TEKST

sabik at mipmung lugud
kinutda yang makabang tekst
keng selpon nang dyurasik

tinimid ne kaybat at peparala
keng numeru nang lourdes–
ing babaing kayang pakamalan.

mimisding ing imang
mekabasa king akatudturan nang
kinudtang makabang mensai

mipapalwang bubulung king sarili:
“o, rugu, melasing ne naman.
akalambitawan ne

ing pagkasiran nang buntuk
malambat neng meyangu-bie
king panga-aksidente.”

 

HUNYO 10, 2014

Nakapulot ako ng leaflets sa sinakyan kong dyip na patungong Navotas kanginang pauwi. Gagawin ko sanang pamunas sa naangihan ng ulan na upuan ng dyip pero nanghinayang ako. Itinabi ko muna sa loob ng bulsa ng body bag ko at binalak na sa bahay na basahin habang nagpapaantok. Iyong problemang basa sa upuan ng dyip, pinatuyo ko sa mabilis na pagpahid ng lipakin kong kanang palad.

Nakahiga ngayon sa katre, nalaman ko na isang panawagan pala ang leaflets para sa paglahok sa pambansang pagkilos sa Hunyo 12. Magsisimula umano ng alas tres ng hapon sa Liwasang Bonifacio at magtatapos sa martsa papuntang Mendiola. Kayganda ng laman ng leaflets. May drowing ng nakarehas na baboy na kamukha ng pig sa sikat na video game na Angry Birds, nakasulat sa ilalim ng drowing ang ‘NO TO PORK COVER UP!”. Ang buod: “Pinagtatakpan ni Pangulong Aquino ang mga kaalyado niyang sangkot sa pork barrel scam at tumututok lang sa iilang karibal sa pulitika. Hindi rin totoo na tuluyang binuwag ang pork barrel. Kaya nga binansagang Pork Barrel King si Aquino dahil nananatiling sa kanya ang malaking pork.”

Ako ba, naniniwalang may cover up? Hindi ko masabi. Idadaan ko siguro sa pagsasaala-suwerte. Parang pagpili ng tiwaling pulitiko. Ikakara-krus ko, halimbawa. Kapag kara, oo. Kapag krus, hindi. At yamang nakahiga ako sa katre, uupo ako ha? Kukuha ako ng piso na nakalagay sa headboard. Pipihitin ko na sa ibabaw ng katre, ha? Hindi ako mandadaya. Promise! Oooopppsss! Teka sisilipin ko.

Malungkot! Napakalungkot!

Ang pisong pilak na may nakaukit na ulo ni Rizal ang nagsabi at hindi ikaw o ako.

#stressdiary
Hunyo 10, 2014
09:15