Hunyo 04, 2014

Kauli ku nabengi menibat obra, disnan ke ing bage a maka-LBC. Inabut ne kanaku ning asawa ku. Balu ku nung nanu ya, siyempre pa. Libru! Ing ‘The Only True Eye’ nang Papa Osmubal, talaturu/talasulat/poetang kapampangan a makabase ngeni king Macau. Ing libru peparala neng Joey Magno-Sotto kanaku menibat kareng kopyang pegkatiwala na kayang Papa ban pamye kareng tawung buri nang pidinan. Na metung ku pin karing midinang kopya, metung ne iting galal para kanaku. Buri na mung sabyan, ating kikilala kanaku (bista man e ku ramdam king sarili) na metung ku ping talasulat. At o’t asabi ku ini, uli nang i Joey ing aakit kung masugid a talatuki’t mamye sikanan lub kareng sablang kapampangan a talasulat o miki inklinasyon king nanu mang adle ning sining. Malyari ne sigurung awusang ‘patrona da reng poeta’t artist a kapampangan’ , king kanaku mung palage.

Kayari kung minapun, tambing keng biklat ing malating libru. Minuna keng linawe ing libutad a bulung o pahina ban keng asanakan nung anti ya ing daralan nang kamaisan o belwan. Makanini kung mamasa, libutad pa, ban akit ku nung interesante ya ing metung a lalang. Nung ing panlibutad, marukat ne o malagu, nanu pa ta ing panarap at panggulut. Salamat at dinugpa ya king gamat ku ing librung ini.

Oini ing kanakung abasa:

pillow
(a reminder from a professional bum)

when after waking
you have no memory
of your dreams

consult your pillow–

it has not only your loose hairs
but also all the dregs
of your lost and wasted whispers

#stressdiary
hunyo 04, 2014
06:17