copywriting kuno

Sakit ng tumatanda ang pagiging malilimutin. Hirap makaalala. O mabagal rumehistro sa utak ang mga bagay na dati ay pamilyar. May mga tawag dito. Dementia o mental na kundisyon na hindi makapag-isip ng malinaw at/o hindi maintindihan ang totoo sa hindi. Alzheimer naman ay iyong kundisyon ng utak na habang tumatanda ay unti-unting bumabagal ang dating liksi ng memorya hanggang ganap na mawala o lumisan. Pero may paraan para kung hindi man masugpo ay mapabagal ang pag-iral ng kundisyong ito ng ating utak. Kailangan lang maging aktibo sa pag-iisip. Iyong positibo, ha, at hindi iyong mga negatibo. Mag-relaks ka. Lumabas at makilahok ka sa umpukan ng mga kapitbahay. Maghanap ka ng paglilibangan. At isang mabuting libangan kasabay ay laro na ring masasabi na siyempre pa ay gumagamit ng isip ay ang larong chess. Hindi ka marunong? Walang problema. Magpaturo ka kahit doon sa mga hindi eksperto. Hindi mo kailangang maging grand master para magustuhan ang laro.

 

Nagtuturo nga pala ako. Kontakin mo ako sa libre mong araw o sadyain ako sa address na ito: 144 Kalye Kapag Hanapin, Di-Mahanap St, Navotas City. Magdala lang ng meryenda at mahigpit na yakap bilang bayad.

 

Tope

chess di-grandmaster

takot makalimot