ALDO NING KLASI
Hunyo 5, 2017
atorni ing awus ra kaku ri Undu
pablasang lumang attache case
ing magsilbing peka-iskul bag ku
daratuk ne pang Inda karin
ing papabakal nang nasi at ulam
ibinalut king bulung saging a tanam
alang manatad saken kabalenan
at parusa pa ing pamaglakad
mamaltang king buburak a dalan
oneng alang danyos ita
ating madyik a malilyari
balang makalukluk at magklasi:
mibubusni ing silid pituturwanan
mibubusni ing attache case
at mibubusni’t daragul mu naman–
ing isip king kabiasnan