AUANG

Mumuran. Ing anggi, lulub quing macabusning auang at didiligan na ca quing quecang piquequeran. Migbangun ca quing pangaalimpungatan, ume mu sang isara ing auang at mibalic pasibaiu quing pangatudtud, paquitagalan me ing meputut mung paninap, oneng ali na ita ing quecang geua. Mematiauan ca, pebureng mabasa, quing saup ning talanding tiiup ning angin, ing quecang lupa. Ala nang danius mabasa ca man. Ala nang ulaga ita. Pagsisiian mu pa pin o’t migbangon ca ban isara ing auang. Queng cuadru ning auang, atiu carin ing quecang paninapan, anting minuling bangungut, mupin, gising ca, acaquit meng lalacad quing maranum a dalan, casucub ne quing macabusning paiung ing caiang casuiu, mipmung casaia. Balamo ing papil iu nandin, cabang macaquera ca’t macaduian quing paninap.